Plantun de Prouvènço

Pèr coumpara dos planto d'encò nostre

Salicornia procumbens & Alopecurus myosuroides

Engano(-clino)

Salicornia procumbens

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne couchée.

Descripcioun :
Es uno engano de l'an e noun renadivo au contro di gènre proche Arthrocnemum e Sarcocomia. Adounc fai pas de bouissoun e s'atrobo pulèu dins li relarg sala mai dubert. Lis estamino sorton un pau e li tres flour de cade tros soun quàsi de la meme taio, aquelo dóu mitan un pau mai grando pamens (fotò e dessin). De coumpara emé Salicornia europea.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Erbo
Taio : A
Fueio : ges
Tipe bioulougico : Teroufite
Cicle bioulougico : Planto de l'an

Gènre : Salicornia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : TER
Ref. sc. : Salicornia procumbens Sm., 1813

Co-de-gàrri

Alopecurus myosuroides

Poaceae Graminaceae

Àutri noum : Co-de-reinard, Coue-de-rat, Coue-de-reinard.

Noms en français : Vulpin des champs, Queue-de-renard.

Descripcioun :
La co-de-gàrri trachis dins li prado umido pas trop richo, o salado, e dins li champ. Fai de paniculo que sèmblo d'espigau, souvènt pourpro un cop maduro. Se destrìo dis àutri Alopecurus qu'a de glumo soudado fin qu'au mitan e pas bourdado de long péu ; l'arèsto basalo èi longo (8 à 10 mm) emé un couide au mitan fotò).

Usanço :
Es uno bono erbo pasturiero, souvènt cultivado pèr li bèsti.

Port : Erbo
Taio : 20 à 70(85) cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Alopecurus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 6 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Prado umido - Meissoun - Prado salado - Champ
Estànci : Termoumediterran à Coulinen
Couroulougi : Paleoutemperado
Ref. sc. : Alopecurus myosuroides Huds., 1762

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Salicornia procumbens & Alopecurus myosuroides

ges

Coumpara Engano(-clino) emé uno autro planto

Coumpara Co-de-gàrri emé uno autro planto